اذا ضاق صدرك شنو البيت اللي يطري عليك

[لــيتني هــمك]

بسم الله الرحمن الرحيم
حبيت اجيب لكم فكرة جديدة
واحس انها فكرة حلوة وبسيطه وابي
من الكل يشاركني هالشي وكل ماطرئ علي بالك
الفكرة انه كل واحد يكتب بيت او عدة
ابيات من الشعر تطري عليه اذا ضاق
صدره وتكدر من اي شي..
وانا راح اكون اول المشاركين ..


هذي هي الدنيا متاهات واحزان
كـلـن يـدوُر راحـته مـــا لقاهـا
تبي لها صبر مع شوي نسيـان ..
مع ضحكه تخفي دموعك وراها !!

[شاعرة الجرح]

تسلم ليتني ع هالفكره الروووعه..

والله ان قلبي مع قلبك سوى
لو تغيب شهور حاضر ما تغيب
لك من الاشوااق في قلبي حوى
لو توزع نص هالعالم حبيب
كان تقوى في خفوقي ما قوى
لا تخليني من غيابك صويب

[لــيتني هــمك]

يسلمك ربي ويخليك .
كم اسعدني وجودكِ هنا في متصفحي...!!

كفي دموعك مال الاحزان ميعاد
مدام هذي رغبتي فهجريني
أنتي سراب وكلمة الحب وش عاد
ماقصدي اجرح خاطرك وأفهميني
نفس الظروف ووقتنـا كله عناد
أبلتمس لك عذر بس أعذريني..!

[شاعرة الجرح]

يسلمك ربي انا اسعد,,

من غدر الايام جيتك كارهن نفسي
لو قلت وشفييييك ؟؟بكيت وقلت محتاااااجلك ..

[لــيتني هــمك]

ربي يسعـــدك ان شاء الله ..


ليـتَ الحـزٍنَ قـآآدرٍ آلوٍقتَ ..يمحيهَ
وٍليـتَ آلسسعـآآده ..سسـآكنه في حيـآآتيَ

[ســــاره]

تسلم ليتني همـك على الموضوع الحلوووو


دام تدري ان كل وجهن غير وجه الله فاني
ياخي اكسب لك ثواب وخاف ربك في عبيده


*****

يثبت الموضووع

[المتميزة]

يسلمووو ليتني همك على موضوعك الرائع

لاتشتكي للناس لاضاق بالك ؟ الناس ماتملك مسره ولا ياس !!!

ولاتحسب إنك بالتعاسه لحالك ؟ إعرف ترى عايش معك بالشقا ناس !!

الناس مثلك حالهم مثل حالك ؟ الكل من مر الليالي شرب كاس !!!!

[شذى الروح]

	اشكرك ياليتني على هالمووضووع النآآآيس شنو اقول لو ضاق صدري امممممممممم انت اللى خسران يوم انك تزعلنى والا انا واجد احبابى وخلانى ان كان ربى عطانى عمر وامهلنى مصيرك تشوف من يندم على الثانى

[بنت زايد]

ليتني ,,

الموووضوووع روووووعــه

مميز في طرحك دائماً

لك من رووحي احلا الامنياااااااااااااات

تحاياي

[بنت زايد]

ماعاد ينفع لو تعذرت ورجعت ..
فات الاوان وقل قدرك وشانك
وشلون اسامح وانت في الود قصرت ..
وبعت الرفيق اللي وفالك وصانك
والحين جاي تقول نادم وفكرت ..
خل المحبه وانت خلك مكانك